የለምለም እናት በንዴት በመጦፏ ለምለም ጥበብ ልጆች ዘንድ ጥገኝነት እንድትፈልግ ትገደዳለች። ፍትሕ ለታማሚ ወንድሟን መድኃኒት ለማግኘት ስትጣደፍ፣ ገንዘብ ያበደረችውን አጎቷን ትጋፈጣለች። ለምለም በሁኔታው በመነቃቃት፣ እናቷ የወር አበባን በተመለከተ ያላትን የተሳሳተ ተለምዶአዊ አመለካከት ለመጋፈጥ ድፍረት ታገኛለች። ምንም እንኳን ከብዙ ክርክር በኋላ ዕርቅ ቢያወርዱም፣ ፍትሕ አጎቷ በእሷ ላይ የማይገባ ክስ ሲያቀርብ አዲስ ችግሮች መጋፈጥ ትጀምራለች።

በቦጌ በት ላይ የደረሰን ቃጠሎ ተከትሎ፣ ሙና፣ መናልባትም አሁንም በአካባቢው የሴት ልጆችን ግርዛት በምትፈጸመዋ ሴት፣ መጠለፏ ይታወቃል። ትዕግስት ፍለጋውን ስትመራ ፍንጮች ወደሙና አጎት መንደር ይጠቁማሉ። ወደ ቤት ሲመለሱ ትዕግስት ፍንጮቹን አንድ ላይ እንዴት እንዳሰባሰበች እና እንደተረዳች ትናገራለች፣ የጥበብ ልጆችም አሳዛኙን ሁኔታ ለማስቀረት ያደረጉትን የቡድን ሥራቸውን ስኬት ያከብራሉ።

ለትምህርት ቤት የቡድን ፕሮጀክት፣ ፍቅር አባቱ ከበደ በቤት ውስጥ የኃይል ጥቃት ከሚያደርሰው ከጀማል ጋር ትመደባለች። የጥበብ ልጆች ከበደ የሚያደርሰውን ጥቃት ለማስቆም ጣልቃ ሲገቡ ጀማል በፍቅር ላይ ጉዳት ያደርሳል። ርዕሰ መምህሩ ለጀማል ሌላ እድል ቢሰጡም የከበደ ቁጣ ግን ቤተሰቡን አደጋ ላይ መጣሉን ይቀጥላል።

ወዳጆ እና የመንደሩ አለቃ ሽሽግ የፍትሕን ሞግዚትነት እና የመሬት ባለቤትነቷን እንድትተው ያስገድዷታል። በተለየ አጋጣሚ፣ የጥበብ ልጆች በአስደናቂ ሁኔታ እስኪያድኗት ድረስ ሃና የግዳጅ ጋብቻን ትጋፈጣለች። ነገር ግን ሜቅደስ የሽሽግኝ ዳስ በማፍረስ የበቀል እርምጃ ትወስዳለች።

መቅደስ ሰርጉን እንድትደግስ ግፊት ሲደርስባት፣ ትዕግት የነፃ ትምህርት ዕድል ታገኛለች። ነገር ግን ያንን ትምህርት ለመከታተል መሄድ ማለት ከጓደኞቿ ፊትን ማዞር ሆኖ ይሰማታል። የወዳጆ ምስጢራዊ ዕቅድ ሲጋለጥ፣ የቤተሰብ ታማኝነት ፈተና ውስጥ ይወድቃል።

አቤልና ሰላም በወንዝ ውስጥ መውደቃቸው የወዳጆን ቸልተኝነት ያጋልጣል፣ አስፈሪ ቀውስም ይከተላል። ገላን አስተማሪዋ ጥቃት ካደረሰባት በኋላ ከትምህርት ቤት የመባረር አደጋን ትጋፈጣለች፣ የጥበብ ልጆች ግን የእሷን ጉዳይ በእጃቸው ያስገቡታል። ወንድም እና እህትማማቾች በግጋፈጡት የደህንነት ስጋት ምክንያት የነፃ ትምህርት ህልሞች ከሳይንሳዊ የማወቅ ጉጉት ጋር ይደበላለቃሉ።